عاجل : خبر من وزارة الصحة

[نادرالعدني]

السلام عليكم ورحمة الله وبركاتة
اخواني الاعزاء بس حبيت ان استفسر عن خبر متداول بين الممرضين والممرضات ماادري هو صح ولا بكش (اشاعة )
يقولوا ان يوم الاربعاء في جريدة المدينة نشروا خبر ايقاف جميع الترقيات ل 50 الف ممرض وممرضة من خريجي المعاهد والكليات الصحية الى ان يحصلوا على درجة البكلوريوس وانهم سوف يقومون بفتح معاهد خاص تعطي شهادة البكلوريوس
ما ادري اخواني اخواتي الخبر صحيح ولا لا

[طلال العنزي]

سمعت هذا الخبر
اكيد صحيح
هم يبون يعجزون السعودي بأي شكل واخرها هذا القرار

[ومضة]

يسعد مساك اخوي نادر

اخوي اذا الخبر صحيح فهو في صالح الممرض السعودي
لعدة اسباب منها تطوير مستوى التمريض عندنا
وايضا تطوير قدرات الممرض نفسه حتى يكون قادرا على ممارسة المهنة على اكمل وجه
وايضا كي يكون لدينا طاقم تمريضي وطني عالي المستوى يغنينا عن الممرض الاجنبي
وايضا لاثبات نجاح ابن الوطن وان مستواه لايقل عن غيره في كل انحاء العالم
.
.
ومضة

[A B O L Y L A]

كلام ومظه سليم
تقبلو تحياتي

[SHAIM]

خبر خطيييييييييييييييييير ....

انشاء الله ما يكون صحيح ....

[next_time]

اخوي هذا الخبر قرائته ويقولوا بيطبقوه عام 2010 ولكن اذا طبقوه موا مشكله عند الموظفين المشكله عند الخريجين السبب ان الخريج من الكليات الصحيه راح يكون خريج كليه خاصه حسب القرار والسؤال هل بيعينوه ولا بيقولوا الاولويه للحكوميين اللى عندهم دبلوم عالى ؟؟؟

[علي أحمد]

صراحة صعب جداًً يطبقوا هذا القرار على الموظفين ,, لكن ممكن على الجدد ممكن قبل التعيين يشترط الحصول على البكالوريوس ...

[المفترس]

الخبر صحيح

[عبدالله المطيري]

ياخوي ادخل على موقع جريدة المدينة و تصفح حقت الاربعاء

وتأكد بنفسك


بس ترى السالفه كلها خرطي لا ساس ولا راس

معليش على هلااسلوب بس تراني بدوي أرعى الإبل في الصحراء

تحياتي

[نادرالعدني]

احبائي انا اقولكم انة نحن انشاء الله ما عندنا اي مشكلة بعدين بس انة يوقفوا ترقياتنا الان وهم مافتحوا هذة المراكز لسى طيب الموظف اللي يبي يكمل وين يروح

[نادرالعدني]

احبائي انا اقولكم انة نحن انشاء الله ما عندنا اي مشكلة بعدين بس انة يوقفوا ترقياتنا الان وهم مافتحوا هذة المراكز لسى طيب الموظف اللي يبي يكمل وين يروح
__________________

[auon]

السلام عليكم ورحمة الله وبركاته
اخواني والله احتمال كبير ان الخبر هذا صحيح لاني سمعت ان اول دفعة بكالوريوس تمريض راح تتخرج من جامعة الملك سعود قريبا فا..... خلينا نلحق انفسنا يادبلوم معهد صحي

[ابوايمان]

الخبر اذا كان صحيح فهذا يعني يبون فتحون البكالوريس بالسعوديه

[MedicaL]

المفروض الموظفين ما تتوقف علاواتهم طيب انا بقول مابي ادرس وخل راتبي يمشي

قد يكون قرار صائب في حالة اعطاء الموظف تفرغ لدراسة البكالرويس كذا ممكن

بالتوفيق لممرضينا

[الريس]

لايمكن أن يكون الخبر صحيح لعدة أسباب أهمها :
1 ــ لايمكن أن يفرغوا 50 ألف ممرض للدراسة
2 ــ حتى تصل المستوى السابع من الممكن يطلب شهادة البكلريوس وذلك بعد عمر الستين كاننا من الحيين أن شالله
3 ــ نتمنى أن يكون الخبر صحيح لأن فيه مصلحتنا وهذا الذي لايريده بعض الأداريين لأن الرواتب سترتفع والعلاوات وأمور كثيره
4 ـ الموضوع يريد التأني والدراسة المستفيضة وليس خبر في جريدة

[نادرالعدني]

والله ان شاء الله يكون الخبر صحيح

[دكتور]

اخوي انا ماسمعت
وعموما لوهو صحيح بيكون مجرد ايقاف
للكوادر الصحيةوهروب من شي معين لدى الوزارة
وانا لا اوافق الاخت ومضة في رايها مع احترامي الكامل لما قالت
لان الكوار الخارجية اغلبهم ما تعلمو الا عندنا
وخصوصا الشرق اسيوية وانا عايشت هالامور بنفسي

[فني]

يا اخواني انا دخلت على الجريده ما لقيت شي وان شاء الله مو صح تحياااااااااتي

[النجم]

الخبر مكتوب بجريد المدينة من مصدر بالهيئة السعودية للتخصصات الصحية

ونحن ننتظر الخبر من مصدر بوزارة الصحة صاحبة الشأن حتى تبين الحقيقة

[فني]

والله لو الخبر صحيح والله ورطه لكن بحثت في موقع الجريده ما لقيت شي
تحياتي لكم

[نادرالعدني]

والله بصراحة لو فتحوا برنامج البكالوريوس مية مية

[يارب أتعيين]

احسن وربي عشان ما يجي بعدين يقولون انت كلية ولا خاصة


كل شي الحين خاص في خاص


اخاف بعدين يوم نتخرج منها يجي واحد ويقول اخذتها بفلوسك

على حسب كلام بعض الأخوان

الله يهدية ويرجعة لرشدة

وانا الحين أفتخر اني من المعهد الصحي الخاص

وهذا دليل انه معاهدنا متطورة ولا أقصد كل المعاهد


وان قالوا معدل الثانوية الحمد لله معدلي زين 89%

[نادرالعدني]

حبيبي انت اذا اخذت البكالوريوس والله ما احد يقدر يكلمك انت من وين اخذت البكالوريوس

[خريج معهد خاص]

نعم اخوي الخبر صحيح وسوف يعتمد في عام 2010
بس مو اكيد يطبق

[نادرالعدني]

والله العظيم نحنا نتمنى انه يتطبق بس ربنا يسهل

[عبادي929]

الله يكتب الي فيه خير وصالح للجميع

[antihistamine]

مو مشكلة اهم شي يوفرون لنا مكان ندرس فيه

او يسوولنا ابتعاث داخلي

او يرمونا من فوق الوزاره

الهم يسوون شي يساعد حنا نبي نتطور بس وين السبيل
ولا تقوللي رح ودور ترا لفيت لين تقطعت رجولي صح فيه اماكن لكن يوم تدخل تلقى شروط معناها ( ضف يور فيس )

[المجتهد]

الخبر غير صحيح اطلاقاً

[العديم]

والله خبر وقف الترقيه يمكن صحيح لانه شي مااهو جديد على وزارة الصحه ان تقدم مااهو اسوء ..

لكن انها تفتح المجال للاكمال البكالريوس مااظن تقوم بهاااذه الخطوه الكبيره لان صغاار الامور لم يتم حلها الا الحين ..

وتقبل تحياتي

[Aboode22]

ياخي ليه التنكيد كذا والله حاله

[نادرالعدني]

ياشباب لا تتشائموا ونشاء الله يصير كل اللي نتمناه