تعالوا اقووولكم سااالفتي مع المستشفيات

[اشقر]

الســـــــــــــــــــــــــــــــلام عليـــــــــــــــــــــــــــــــكم







نخش على طووول بالموضوع ولااا نلف يمين


المهم الفتره اللي راحت كنت تعبان أوي أوي أوي >> قولوا الحمدلله على السلامه

ورحت للمستشفى ومثلكم عارفين الحين انا عميل عند المستشفيات ولي خصم خاص بعد

مالكم بالطووويله

رحت لمستشفى الحرس بصراحه ماقصروا كذاااااااااااا

دخلت المستشفى وانا تعبان بقسم الاسعاف ورحت للاستقبال وقلتلهم اني تعبان

قالولي عندك ملف قلت لاااااااااا لأني مو عسكري انا موظف بالصحه وماجيتكم الا وانا تعبان

المهم وانا اخذ واعطي مع الموظف عشان يخلص اموري تشنجت عنده

ودخلوني على الدكتووور اللي يشوفك اول وبعدين يقرر اذا حالتك اسعافيه او لا

وانا انتظر دوري ومتشنج على الكرسي فجأه وقف نفسي ماقدرت اسحب هواء

وقمت اصارخ ابي اكسجين طبعا محد التفت لي وانا خلاص شبه بموووت

افزعوا الربع اللي كانوا جوا عند الدكتور جو واسحبوني داخل وقالوا هاذا حالته اسعافيه اكثر منا

المهم جا الدكتور وانا اقوله ويالله اتكلم من التشنج .. ابي اكسجين ابي هواء

المهم الدكتور ماعطاني وجه وقام يقيس الضغط وياخذ وزن الحراره اقصد درجة الحراره

والناس يقولون له عطه اكسجين ... والدكتور يقول انا اعرف شغلي

واجيك انا امحطه بكلام من اللي يحبه قلبكم من حرتي لاني متشنج وبموت خلاص انتهيت

والله ياجماعه اني ترجيته عشان يعطيني اكسجين وماعطاني وجه

ولو اني اقدر اتحرك وقتها كان قمت ومحطته بجهاز الضغط واخذت الاكسجين

وقمت اسبه ومافيه فايده

انا يقهرني اذا جا دكتور وتفلفس علينا ... انا بموت وهو جالس ياخذ الضغط والحراره

المفروض تعطيني الاكسجين بعدين سو اللي تبي ... يعني الضغط والحراره روتين اجباري

اهم شي حياة المررريض بعدين سو الاشياء الثانيه

المهم دخلوني بالاسعاف جوا وعطوني اكسجين وخذوا تحليل دم

وجلست ارتاح وعطوني علاج اكلته عندهم وجوا الناس اللي افزعولي يتطمنون علي

وبعدين جت نتيجة تحليل الدم ولقوا عندي نقص فيتامينات شديد

بسبب عدم الاكل نهائيا ...

يعني تقريبا كل 4 أيام اكل وجبه والكلام هاذا منذ مبطي يعني من شهور على هالحاله

المهم عطوني مغذيات ماقصروا بصراحه مستشفى الحرررس كذاااااااااااااا

وبعدين طلعت من المستشفى ...


وتعبت مررره ثانيه وهالمررره رحت لمدينة الملك فهد الطبيه

مثلكم عارفين لازم ناخذ لفه على المستشفيات نشوووف احسن شي بالـ 5 نجوووم

دخلت عندهم بالاسعاف واخذوا بياناتي وقالولي وين تشتغل

انا هنا انبسطت قلت اذا عرفوا اني تبع وزارة الصحة بيفتحون لي ملف عشان اراجع عندهم

الظاهر ماطقولي خبر

المهم جاني الدكتور وقالي وش فيك قلتله تشنننننننننننننننننج وتراني تعبت مو قادر اتحمل

المهم عطوني ابره والطعوووني بالسرير وقالولي خذ كيس وتنفس فيها

وكل شوي جايين يشيكون علي

قلت يادكتور عطني علاج لهاتشنج وريحني

قالي مافيه علاج ... الشي الوحيد اللي تقدر تسويه اذا جاك التشنج خذ كيس وتنفس فيه

قلت وشلون اخذ كيس واتنفس فيه وانا متشنج

قال عادي حط الكيس على فمك وتنفس

قلت يابن الحلال انا متشنج يعني ماقدر احرك ولاشي بجسمي وشلون اخذ كيس

وانا اذا جاني التشنج يوقف نفسي احس روحي تطلع

المهم انه سكت ماقدر يرد ........... عديناها

جيت بطلع من المستشفى وقلت فتحتولي ملف عندكم عشان اراجع قالولي لاااااااااااااا

لازم تجيب تحويل من مستشفى ....... يالييييييييييييل ماطووووووووووولك

وطلعت من المستشفى والظاهر لما اتعب مررره ثانيه مااالي غير مستشفى الحرررس


والحين بحاول اجيب امر وافتح ملف مؤقت بمستشفى الحرس اصرف لي

اذا ربعنا مدينة الملك فهد الطبية مافتحولي ملف وانا تبعهم .. بجلس اترجاهم عشان يفتحون لي


ايه هييييييييييييييييييييييييين




وصبح صبح ياااعم الحاااج


وانتظر ردووودكم بالنسبه للموووضوع



انتوا كذاااااااااااااااااااااا

[حوريه]

سلامات وقدامك العافيه

بما انك في الصحه ليش ما تحدد لنفسك مستشفى معينه تفتح فيها ملف وتراجع فيها عند طبيب متخصص وتريح راسك وملائكتك

افضل من الهجوله بين المستشفيات وفي كل مره بتشخيص وعلاج غير

وصباح الخير يا صحه ..

[دلوووعه]

الف سلامه عليك اخ اشقر والله الكل كان مفتقدك حمدا لله على السلامه
بس الوضع اللي شفته للاسف عادي جدا مره رحت مستشفى الملك فهد وانا بمووووووووووت من التعب وحرارتي فل وماني قاره اتحرك لطعوني نص ساعه وانا ابكي من التعب ولاحيا لمن تنادي وفي الاخر مشيت ورحت مستشفى اهلي كان اكرملي للاسف بعض الدكاتره الموجودين في مستشفياتنا ما اعرف قلبهم تحجر ولا ايه ماهمهم بتموووت ولا لا المهم بالدوووووووووووووووووووووووووووووووووووووووووووووو ر ياشباب اذاا بتموت عمرك انتهى ولك تحياتي

[اشقر]

ههههههههههههههههههههههههههههههههاي



تسلمووولي على التعقيب الحلووو شكلكم راعين فزعات اذا بغيت اتطاق مع الدكاتره مالي الا الله ثم انتم


بعدين ياحوريه مافيه مستشفى اساسا فاتح لي ملف عشان اراجع مع دكتور ... زززين دخلوني الاسعاف


و دلوووعه كيفك ان شاءالله بخير ... وعلى فكررره تراني اشـــقر مو ولد الراجحي عشان اروح قطاع خاص


الله يخلي مستشفيات الحكووومه كذااااااااااااااااااااا

[عزام السنان]

الحمد الله على السلامة يا اشقر ماتشوف شر

متى يطبقون نظام التامين الصحي بجميع المستشفيات ونرتاح من هالمشاكل ؟!!

موظفين القطاعات الاخرى العسكرية و الاتصالات والكهرباء .. إلخ مرتاحين من هذا الجانب

بينما موظفين الصحة لا تعليق !!

مالكم الا المراكز الصحية اللي تستقبل الجميع افضل استقبال وقريب من بيتكم

وتقدم لك كل الخدمات المجانية كشف وعلاج وتحاليل و اشعة واسنان
وتفتح لكم الملفات وتسوي التحويل في الحالات اللي تستدعي

[عذبة الروح]

سلااااااااااااامات ماتشوف شر

قدامك العافية

[عــــلــــي]

سلامات اخوي اشقر والله اني فقدتك
ماتشوف شر
الله يعين على هاالدكاتره